Kurda Êzîdî Îman zî tede vizêr xeylê kênayê ke destê çeteyanê DAIŞî ra ameybî xelinasyîş Serek Barzanî dir amê yewca. 

Serek Mesud Barzanî vizêr kênayê Êzdîyanê ke destê çeteyanê DAIŞî ra ameybî xelisnayîş dir ame têlewe. Serek Barzanîyî va: ma do rewşa Şengalî bibedilne.  Ma do her tim her het ra desteg bide şarê ma yo Êzîdî.

Kurda Êzîdî Îman zî kombîyayîş de bî û derheqê kombîyayîşê mabênê Serek Barzanî û înan de qisey kerd. Îman wina va: Serek Mesud Barzanî her tim desteg dano ma Êzîdîyan. Ey ma ra va “ Seba ke wa heme êsîrê ke destê DAIŞîş de yê bêrê azadkerdiş xebatê ma dewam kenê. Şengal do bibo sey verî û Êzîdîyê ma tede bieşkê rehet biciwîyê.

Pêroyî de 5o kênayê ke destê çeteyanê DAIŞî ra ameybî xelisnayîş kombîyayîş de ca girewt. Serek Barzanî kênayan dir yew bi yew eleqedar bi û goş da derd û kulê înan ser.   

Wexto ke çeteyanê DAIŞî eşt Şengalo ke Kurdê êzîdî tede cuyenê 6417 tenî hetê çeteyan ra ameybî remnayîş.