Serekdewletê Îranî Mesûd Pizîşkiyan vîzêr şibi paytaxtê Iraqî Bexdad  û uca de Serekdewletê Iraqî Letîf Reşîd û Serekwezirê Iraqî Mihemed Sûdanî reyde pêvînayîş kerd.

Mesûd Pizîşkiyan ewro zî ame paytaxtê Herêma Kurdistanî Hewlêr û Serekê Herêma Kurdistanî Nêçîrvan Barzanî ey qebul kerd.

Pizîşkiyan verê cû Ofisê Serekê Herêma Kurdistanî de Nêçîrvan Barzanî û Kabîne reyde pêvînayîş kerd.

Serekdewletê Îranî dima serek Mesûd Barzanî reyde zî yew pêvînayîş kerd.

Serekdewletê Îranî, Hewlêr de pêvînayîşan ra dima şi Silêmanîye û uca de Serekê Yewiya Welatperweriya Kurdistanî (YWK) Bafil Talebanî reyde pêvînayîş kerd.

Mesûd Pizîşkiyan dima şi ser mezelê Celal Talabanî.

Programê Mesûd Pizîşkiyanî Bafil Talebanî ra teber, berpirsiyarê siyasî yê Silêmanîye reyde zi pêvînayîş esto.

Mesûd Pizîşkiyan 30ê Temmuza 2024î de sondê qanûni wend û bi serekdewletê newe yê Îranî.

Pizîşkiyan ziyaretê xo yê verênî yê dîplomatîkî yê teberê welatî vîzêr Bexdad de kerdbi.