Serekê PAKê Mustafa Özçelikî roja 15.07.2021 Hetkarê Serekê Pêroyî yê PAKî Vahit Aba, Sereka Komîsyona Cinîyan PAKî Nezîhe Karahan û endamê Meclîsa PAKî Husnu Onukî reyde Teşkîlatê Batmanî (Êlih) yê PAKî zîyaret kerd.

Serêkê Teşkîlatê Batmanî yê PAKî Aziz Özdemir û rayber û endamê PAKî amey heyeta PAKî vera.

Serekê PAKî Mustafa Özçelikî rewşa sîyasî ya her çar perçeyanê Kurdistanî û Tirkîya ser o qîsey kerd, vîr û bawerî û sîyasetê PAKî îfade kerd, derheqê xebatanê PAKî de malumat da.

Her çiqas rewşa pandemî û germîya hamnanî  estbî û cayê kombîyayîşî qij bî zî, zaf endamê PAKî , temsîlkarê ENKSyî û welatperwerê Kurd yê Batmanî zî beşdarê kombîyayîşî bîy.

Qallîkerdîşê Mustafa Özçelikî ra dîma, beşdarê kombîyayîşî zî persê  persay, fikir û pêşnîyarîyê xo pêşkêş kerdî.

Kobîyayîş bi hawayeko berhemdar qedîya.

Buroya Çapemenî û Tekilîye ya PAKî