Heyetêka PAKî ke mîyan de Serekê Pêroyî yê PAKî Mustafa Özçelik, Hetkarê Serekê Pêroyî yê PAKî Kasim Ergun, Mehmet Gul û Endamê Meclîsa PAKî Seyid Bayram estbî, roja 28.12.2019 de Teşkîlatê HAK-PARî yê Îstanbulî zîyaret kerd. 

Serekê Pêroyî yê HAK-PARî yo newe Birêz Latif Epözdemir û îdarekerê HAK-PARî amey heyeta PAKî vera. 

Mîyanê heyeta HAK-PARî de Serekê Pêroyî yê HAK-PARî yo newe Birêz Latif Epözdemir,  Serekê Teşkîlatê Îstanbulî birêz Mustafa Aytaş,  endamê Meclîsa HAK-PARî ê verînî Bari Tunç û Ahmet Engin û endamê Meclîsa HAK-PARî birêz Sabri Serin estbî.

Serekê Pêroyî yê PAKî Mustafa Özçelikî û heyeta PAKî zîyaretî de Serekê Pêroyî yê HAK-PARî yo newe Birêz Latif Epözdemir û  pîroz kerd.

Heyetê PAK û HAK-PARî nê têhet ameyîş de têklîyê mabênê her di partîyan û derheqê rewşa Tirkîya û Kurdistanî de fikrê xwu îzeh kerdî.

Pêvînayîşê heyetê PAK û HAK-PARî mîyanê atmosferêko dostane de vîyart. Heto  bîn ra no pêvînayîş, seba sibarojî û averberdişê têkilîya her di partîyan pêvînayîşêko hewl bi.

28.12.2019 

Buroya Çapemenî û  Têkilîye ya PAKî