Kedkarê dewaya azadîya Kurdistanî, sîyasetmedar û şaîro welatperwer o Kurd, Seydayê Melle İmadettîn Yetîz (Seydayê Gurdilî) şewa bîne (02.12.2020) rîyê nêweşîya Covid-19î ra dinyaya xo bedilnayo. Seydayê Melle İmadettîn Yetîz 30 rojî estbî ke nêweşxaneyê Êlihî tedawîya Covîd-19î dîyêne.

Seydayê Melle İmadettîn Yetîz 60 serrîyo ke sey roşnvîr, sîyasetmedar û şaîrêko welatperwer dewaya azadîya Kurd û Kurdistanî rê xizmet kerdêne.

Seydayê Melle İmadettîn Yetîz, bi helwest û fikiranê xo, bi şîîr û têkoşînê xo her tim viraştox bi û îtîfaq û yewitîya netewî, niştimanî waştêne.

Ma bi wefatê Seydayê Melle Îmadettinî Yetiz zaf xemgîn ê.

Homa rehma xo pê biko. Cayê ey cenet bo.

Ez nameyê xo û nameyê heme rayber û endamanê PAKî ser o heme keye û heval û dost û heskerdoxanê seydayê Melle İmadettîn Yetîzî rê serweşîye wazena. Sereyê şarê Kurdistanî weş bo.

02.12.2020

Mustafa Özçelik

Serekê Pêroyî yê PAKî