Merkezê Xeberan - Wexto ke vera tedbîrê virusê Korona qanûn ame bedilyayîş û qanûn hetê Serekkomar Erdoganî ra ame tesdîqkerdiş hepisxaneyê Sîncanî ra qismêk hepsî amê veradayîş.

Serekê sûcê organîze Alaatin Çakici zî mîyanê ê hepsîyan de bi û serbest ame veradayîş.

Serekê sûcê organîze Alaatin Çakici 16 serrîyo ke hepisxane de yo û serekê MHP Dewlet Baxçelî çend rey waştbi wa Çakici serbest bêro veradayîş.

Ame zanayîş ke Serekê sûcê organîze Alaatin Çakici yo ke yewêko nijadperet o û destê ey de gonîya xeylê demokratan esta zî şewa bîne hepisxane ra ameyo veradayîş.

Serekê sûcê organîze Alaatin Çakici par wexto ke nêweşxane de emelîyat bibi Serekê MHP Baxçelî o zîyaret kerdbi.

 Seke yeno zanayîş hukmatê AK Partî semedê virusê Korona qanûn vet û 90 hezar hepsîyê ke hepisxaneyan de manenê serbest yenê veradayîş. La mîyanê înan de hepsîyê sîyasî çin ê.

Parlamentoyê Tirkîya qanûnê înfazî qebûl kerd

PAK: Gere Heme Hepsîyê Sîyasî Zî vurnayîşê Qanûnê Înfazî Ra Feyde Bigîrê