Serokê Peroyî yê PAKî Mustafa Ozçelîk:

Serekomar Rêzdar Recep Tayyîp Erdogan, wezîrê newî yê Hukmatê Tirkîya û endamê newî yê Parlamentoya Tirkîya rê mektuba akerde

Rêzdar Serekkomar,

Endamê newî yê Hukmatê Tirkîya yê Rêzdarî,

Endamê newî yê Meclîsa Tirkîya yê Rêzdarî,

Ez ê kesanê Kurdan ra yewêk a ke, verê weçînayîşê 14ê Gulana 2023î, roja 05.05.2023î de îmzaya mi mîyanê mektuba akerdeyî ya 1160 kesayetanê Kurd de estbî û a mektube erşawîyabî namzedanê serekkomarî û namzedanê parlamenterîye. Nika weçînayîş qedîya û cenabê şima ame weçînitiş. Ez wazena nê waştişê ma ke verê cû mektuba akerdîye de pêşkêşê şima kerdbi, na rey nameyê xo ser o pêşkêşê cenabê şima bikî.

Ez ê Kurdan ra yewêk a ke, tarîxê dewleta Cimhûrîyeta Tirkîya ya 100 serrîye de, estbîyayîşê mi zî heme heqê mi zî çîne ameyê hesipnayîş.

Ez na bawerîye de ya ke, telafîkerdişê na neheqîya tarîxî, çareserkerdişê heme meseleyan do bibo gama verêne.

Eger ma wazenê na rewşa newîye ke weşînayîşê 14 û 28ê Gulana 2023î ra pey vejyaya orte semedê miletê Kurd û şaranê Tirkîya biba destpêkêka newîye; ez ez na bawerîye de ya ke, Qanûnê Bingehîn û heme qanûnê bînan de caardişê nasnameyê kurdî û nê waştişê min ê însanî û nasnameyê êyê ke cêr de mi ardê ziwan, do çareserîya na mesela de gamêka tarîxî bo û do rolêko muhîm kay biko.

Ez na bawerîye de ya ke nê waştişê ke mi ardê ziwan, waştişê tewr esasî, însanî, acîl yê 25 milyon kurdê ke Bakurê Kurdistanî û Tirkîya de cuyenê ê.

Heto bîn ra ez na bawrîye de ya ke, caardişê nê gamê ke mi ardê ziwan, do bibo klîdê çareserîya demokratîke ya meseleya kurd û caardişê azadî, demokrasî, edalet û seypeyî ya Tirkîya:

--Bi tirkî perwerdeyîya bi ziwanê dayikê esto; wa bi kurdî zî perwedeyîya bi ziwanê dayike bibo.

--Tirkî ziwanê fermî yo; wa kurdî zî bibo ziwanê fermî yo diyîn.

--Yew vajo ‘’Ez Tirkîya ra ya ’’ qedexe nîyo; la eke yew vajo ‘’Ez Kurdistan ra ya’’ zî gereke no qedexe nêbo.

--Nameyê şaristan, qeza, dewe û ca û waran bi tirkî estê; wa bi kurdî zî nanameyê şaristan, qeza, dewe û ca û waran zî estbê.

--Partî û dezgeh û rêxistinê ke qalê miletê tirk û Tirkîyeya kenê û bi nê nameyan yenê awankerdiş estê; Wa partîyê ke bieşkê qalê miletê kurd û Kurdistanî bikê û bi nê nameyan bieşkê bêrê awankerdiş zî bibê.

--Camîyan de bi tirkî weaz yeno dayîş; wa bi kurdî zî weaz bêro dayîş.

--Waştişê mi no yo ke, azadîya fikrî, bawermendî, xo îfadekerdiş û xebatê birêxistinî, rastê qedexe û astengîyanê Qanûnê Bingehînî û yasayan û astengîyên fiîlî nêrê.

--Heqê nasnameyê cinîyanê Kurd û azadî û seypeyîya heme cinîyan ganî qanûnê bingehînî, qanûnanê eleqedaran û cuye de bêro garantîkerdiş.

--Cayê mezelê heme pîlanê tirkan aşkere yo, her kes eşkeno ê mezelan zîyaret biko. La cayê mezelê pîlanê kurdan yê ke ameyê îdamkerdiş ê sey Şêx Seîd, Xalid Begê Cibrî, Seyîd Riza û hevalê înan û ê şexsê pîlê kurdan sey Seîdê Nûrsî nano zanayîş. Ganî na neheqî wedarîyo, cayê mezelanê înan bêro aşkerekerdiş û her kes bieşko mezelanê înan zîyareta biko.

--Heme kesê ke rîyê xebatanê xo yê sîyasî, rîyê nuştiş û parekerdişê fikranê xo ra hepisxane de yê, ceza girewtê, ganî bêrê veradayîş û heme dewayê ke derheqê înan de ameyê akerdiş bêra wedaritiş.

----Ganî heme şerhê ke Dewleta Tirkîya nayê ser Peymanê Netewê Yewbîyayî yê Derheqê Gedeyan de, Şerdê Xoserî Rayberîya Herêmî yê Ewropa û heme Peymanê Mîyannetewî bêrê wedaritiş û heme heqê ke nê peymanan de ameyê qebûlkerdiş ganî ca de bêrê ca.

--Wa şer û operasyonê eskerî û şîdet û çalakîyê çekdarî biqedyê; Ganî rayîrê metodê sivîl, demokratîk, sîyasî bêro akerdiş û problemî bi dîyalogan bêrê çareserkerdiş.

Li gel rêzên xwe.

06.05.2023

Mustafa Ozçelîk

Serokê Peroyî yê PAKî