Serok Mesûd Barzanî di peyama xwe de got: “Bi xweşhaliyeke mezin nûçeya wê serkeftina mezin me bihîst, ku we di warekî girîng û zehmet ê zanistê wek bîrkariyê de bidest anî.”

Herwiha di peyamê de hat: “Bê gûman keda te bicih hat dê û wê serkeftina te dilê hemû gelê Kurd xweş dike û ez yek ji çil milyon Kurd im gelekî bi serkeftina te xweşhal û şanaz im û hêviya serkeftin û pêşketina zêdetir ji bo te dixwazim.

Di beşeke din a peyamê de hat: “Cihê xweşhaliyê ye ku gencekî Kurd karibe di warê zanistê de pêşbirkiyê bi zanayên cîhanê re bike û xelata navdewletî werbigire. Hêvîdar im kake Koçber bibe nûmeya bilind ji gencên me re û hewl bidin wek kake Koçber bi serkeftin di warê xwendin û zanistî de navê gelê me bilind bikin.”

Professor Koçber Bîrkar xelkê bajarokê Merîwan ê Rojhilatê Kurdistanê ye û li Brîtaniyayê dimîne, xelata îsal a Fields ku wek xelata Nobel tê naskirin di warê bîrkariyê de wergirt.

Professor Koçer Bîrkar di dema wegirtina xelatê de got ku, hêvî dikim ku min dilê 40 milyon Kurd xweş kiribe.