Serok Mesûd Barzanî bi boneya 30.mîn salvegera Raperîna mezin gelê Kurdistanê peyamek belav kir.

Li gor malpera fermî ya Serok Barzanî peyam waha ye;

Bi navê xwedayê mezin û dilovan

Bi helkefta sîhemîn salvegera Raperîna mezina gelê Kurdistanê pîrozbahiyê li malbatên serbilindên şehîdan û Pêşmergeyên qehreman û hemû niştimanperwer û têkoşer û azadîxwazan û hemû çîn û welatiyên Kurdistanê dikim.

Raperîn, redkirina sîtem û dagîrkeriyê bû û li heman demê de jî hengaveke mezinê tevgera rizgarîxwaziya Kurd bû ya ji bo destpêka qonaxeke girîng ya li xebata gelê me. Armanca Raperînê vegerandina ax û maf bû ji bo gelê Kurdistanê ku demeke dirêj bû bi agir û hesin û zordariyê ji xelkê Kurdistanê hatibû zeft kirin. Raperîn ji bo ewe bû gelê Kurdistanê bikarê li ser axa xwe û li çarçêweya proseyeke demokratî û damezrandina dam û dezgehên şer`î, azadane mafên xwe piyade bike.

Li vê salvegera pîroz da tekez li wê yekê dikîn ku pêwîste armanc û bihayên Raperînê ji bo heta hetayê bilind û berqerar bimînin û bi tu awayekê nabê armanc û destkeftên Raperînê ji rêyên xwe bêne veqetandin û li şûna babetên dinên sînordar da bêne biçûk kirin. Gelê Kurdistanê xebatê kir û xwînê da û raperî bo ku bi serbilindî bijî û her kes û aliyek jî bixwazê li biha û armancên Raperînê kêm bike li rastiyê da nepakiyê li xwîna şehîdan û dehan sal xebat û qurbanîdana gelê Kurdistanê dike. Li beranber da jî bi sedan hezar gedeyên Kurdistanê amadene berevaniyê li armanc û bihayên bilindên Raperînê bikin.

Mesûd Barzanî
05.03.2021