Serok Mesûd Barzanî Îro (Duşem, 21.04.2025) di behînameya xwe de ji bo koça dawiyê ya Papayê Vatîkanê Papa Francis ragehandiye, “Ez ji dil serexweşiyê li xûşk û birayên Mesîhî li Kurdistanê û Îraqê û seranserî cîhanê dikim û xwe hevparê xema wan dibînim.”

Serok Barzanî di pareke din a behînameya xwe de gotiye, “Papa Francis mirovekî mezin bû, ku rolekî bilind di parvekirina peyama mirovdostî û aştiyê de hebû.”

Peyama Serok Barzanî ji bo koça dawiyê ya Papayê Vatîkanê:

Bi Navê Xudayê Mezin û Dilovan

Bi mixabiniyeke zêde ve nûçeya koça dawiyê ya qedaseta Papayê Vatîkanê Papa Francis gehişt min. Papa Francis mirovekî mezin bû, ku rolekî bilind di parvekirina peyama mirovdostî û aştiyê de hebû.

Ez ji dil serexweşiyê li xûşk û birayên Mesîhî li Kurdistanê û Îraqê û seranserî cîhanê dikim û xwe hevparê xema wan dibînim.

Canê qedaseta Papa Francis şa be û ez ji Xudayê mezin dixwazim ku sebir û hedarê bi hemî aliyan bide.