Serok Mesûd Barzanî îro Pêncşemê li Selahedîn pêşwazî li Kadroyê Navçeya Seyîd Sadiq a Partiya Demokrat a Kurdistanê (PDK) Mihemed Tewfîq kir ku rastî êrîşa kesên prokovatorên xwepêşandanan hatibû.

Di hevdîtinê de Serok Barzanî li tenduristiya Mihemed Tewfîq pirsî û tekezî li wê yekê kir ku Partiya Demokrat a Kurdistanê (PDK) tehdayî û zordariyê li kesî nake û tehdayiya kesek jî qebûl nake.

Roja 7ê Kanûna 2020an, hinek kesan bi navê xwepêşandanê êrîş kirin ser baregeha Partiya Demokrat a Kurdistanê (PDK) ya li navçeya Seyîd Sadiq û di wê bûyerê de çend kesan êrîşî Mihemed Tewfîq kirin.

Êrîşa li kadroyê PDKê rastî bertekê hat û li medyaya civakî gelek kesan wêneyê Mihemed Tewfîq danîn ser profîla xwe û rexne li wan kesan kirin ku binavê xwepêşandanê êrîşî baregeha PDKê kirin û canê Mihemed Tewfîq êşandin.