Serok Mesûd Barzanî şandeyeke Parlamentoya Îraqê qebûl kir.

Şande bi serokatiya Cewad Polanî ji endamên Komîteya Çavdêriyê ya Amadekirina Stratejiya Ewlehiya Niştimanî ya Parlamentoya Îraqê pêk dihat.

Baregeha Barzanî li ser hevdîtina Serok Barzanî û şandeya Parlamentoya Îraqê ya li navçeya Pîrmamê ya Hewlêrê daxuyaniyek belav kir.

Baregeha Barzanî di daxuyaniya xwe de got:

“Di hevdîtinê de şandeyê daxwaza nêrîn û pêşniyar û nirxandinên Serok Barzanî yên li ser kar û barên komîteya xwe û stratejiya ewlehiya niştimanî kir.”

Di hevdîtinê de Serok Barzanî spasiya karên Komîteya Çavdêriyê ya Amadekirina Stratejiya Ewlehiya Niştimanî ya Parlamentoya Îraqê kir.

Li gorî daxuyaniyê, derbarê rewşa siyasî Serok Barzanî zelalkirin da û “tekezî li ser wê yekê kir ku pêwîst e dezgehên dewletê di çarçoveya destûrê de pêbendî bingehên şirîkatî, hevsengî û lihevkirinê bin.”