Serok Mesûd Barzanî ji bo salvegera 7emîn a jenosayda Şengalê peyamek belav kir û diyar kir, Şengal birîneke kûr li ser laş û cesteyê gelê Kurdistanê ye û azarek e ti carî ji bîra Kurdistaniyan naçe.

Peyama Serok Barzanî wiha ye:

Şengal birîneke kûr e li ser laş û cesteyê gelê Kurdistanê û ewê terorîstên DAIŞ heft sal berî niha li dijî xwişk û birayên me yên Êzidiyan encam dan, êş û azareke ku tu demekê ji bîra Kurdistaniyan naçê. Em baş dizanîn di dema êrîşa terorîstan ya li ser Kurdistanê, Êzidî ji ber sedema Kurdbûn û bîr û baweriya olî ve ketin ber êrîşa rik û bêwîjdaniya tawanbarên DAIŞ û hatin jenosaydkirin. Ew tawana DAIŞ jî li devera Şengalê encam da, berdewamiya wan zincîre jenosayd û komkujî û tawanan bû ku bi dirêjahiya dîrokê li ser gelê Kurdistanê hatiye encamdan.

Di heftemîn salvegera wê karesatê de, silav ji bo giyanê şehîdan û qurbaniyên wê tawanê dişînîn û bi rêz û rûmetê ve wan Pêşmergeyên qehremanan bi bîr tînîn ku ji bo azadkirina Çiyayê Şengalê û bajarê Şingalê xwîna xwe gorî kirin û serê DAIŞê dirinde xistin bin piyê xwişk û birayên me yên Êzidî û tola wê neheqî û zulmê li terorîstan kirin.

Cihê daxeke zêde ye piştî derbasbûna heft salan li ser wê karesatê de, hê jî êş û azarên Êzidiyan her berdewam e û Şengal di destê komek hêz û çekdaran de ye ku hîç peywendiya wan bi berjewendiya Şengalê û Êzidiyan ve nîne. Her ew jî rêgirbûne li vegerana xelk û avadankirina Şengalê. Di vir de ji bo xwişk û birayên Êzidî ewe dûpat dikim ku bi hemû şiyanek li gel daxwaz û êş û azarên wan de me. Daxwazê jî ji wan dikim li navxwe de yekrêz bin û hêviya wan hebê û wan piştrast dikim her tiştek li ser bingeha zulm û xwesepandinê bê dawiyê de her bi dawî dibe û ew rewşa neasayî û neyasayiya niha li Şengalê de heye heta serî nabe û divê xwişk û birayên me yên Êzidî bi serbilindî vegerin ser mal û halên xwe.

Mesûd Barzanî

03.08.2021

Serok Mesûd Barzanî