Piştî civînê Serok Barzanî ragihand, “Ev serdana bo Bexdayê bi armanca gihandina pîrozbahiyê bo cenabê Adil Ebdilmehdî bû, pêwemdiyên me dêrîn in û çendîn astengî me bi hev re derbas kirine. Berî û piştî rûxandina rêjîmê me bi hev re kar kir û rola Adil Ebdilmehdî ji bo avakirina Iraqê nû hebû, tevî hemû astengiyan.”

Got jî: “Dema Adil Ebdilmehdî bo pêkanîna hikûmetê hat raspardin ku berpirsatiyeke mezin e, wê demê min di pêwendiyeke telefonî de piştevaniya xwe jê re nîşan da.”

Herwiha got: “Niha dubare piştevaniya xwe ji berêz Dr. Adil Ebdilmehdî re nîşan didim û di dahatûyê de jî hevkariya zêdetir dikin, ji bo ew pêwendî ber bi pêş ve biçin û ji bo tevahiya pirsgirêkan çareser bikin.”

Ji aliyê xwe ve, Serokwezîrê Iraqê Adil Ebdilmehdî got: “Serok Barzanî xebatkarekî dêrîn ê çiyayê Kurdistanê ye û serkirdeyekî veguhartina demokratîk a Iraqê û rûxandina dîktatoriyê ye û xebat bo gelê Kurd û Iraqê kiriye.”

Herwiha got: “Birêz Mesûd Barzanî Serokê Herêma Kurdistanê ye û endezyarekî mezin ê avakirina pêwendiyan ne tenê li Iraqê belkû li naçeyê û cîhanê ye.”