Serokê Baroya Diyarbekirê Parêzer Nahît Eren, piştî êrîşa nijadperestî ya li bajarê Mêrsînê ya li dijî malbateke Kurd a xelkê Hewlêrê, serdana malbatê kir û diyar kir, ew weke Baroya Diyarbekirê dê vê bûyerê bişopînin.

Nahît Eren da zanîn: “Baroya Diyarbekirê dengê Kurdan e, em ê her dem di xizmeta gelê xwe de bin.”

Eren got, êrîşên bi vî rengî nayên qebûlkirin û her dema ku êrîşek li dijî Kurdan were kirin li kû dibe bila bibe, ew weke Baroya Diyarbekirê dê li cem wan bibin.

Herwiha Serokê Baroya Diyarbekirê Nahît Eren eşkere kir; ji ber ku rayedarên Hikûmeta Herêma Kurdistanê spasiya wî kirin, kêfxweş bûye.

Di êvara 13ê Gulanê de, malbatek Hewlêrî ku di rêya Mêrsîn û Antalyayê de dema dixwest biçe Antalyayê, rastî êrîşeke nijadperestî hat û endamekî malbatê li ber çavên zarokên xwe û hevjîna xwe rastî êrîşê hat û êrîşkaran xwestin wî bikujin. Welatiyekî Kurd jî bûyer kêşa qemereyê û alîkariya malbatê kir.
K24