Navenda Nûçeyan- Di wê merasîmê de serokê desteya destpakîyê li herêma Kurdistanê Dr. Ehmed Enwer got: ‘’Di pêşekîya peymana Netewên Yekbûyî (NY) de bo tekoşîna li hember gendelîyê de tê gotin; Gendelî, asayîş û aramîya civakê dixe metirsîyê û binê sazîyên demokratîk dikole û nirxên exlaqî û dadperwerî têkdide û serwerîya yasa û pêşketina berdewam dixe bin metirsîyên cidî.’’

Herwaha got: ‘’Gendelî li cîhanê salane sedan milyar dolaran zîyan digehîne aborîya welatan û li welatên nû pêdigehin zîyan ji ber lewazîya sazîyên hukimranîyê û hebûna cureya milmilaneyê û heman demê de lewazîya hişyarîya sîyasî û çanda demokrasîyê zîyan li wan welatan gelek zêdetire heta welatên din.’’

Navborî got: ‘’Em daxwaz ji welatên cîhanê û bi taybet ew welatên hevpeymanin, alîkarbin di têkbirina gendelîyê li welat û herêma me de.’’

Seroka Parlamentoya Kurdistanê Dr. Rêwaz Fayeq jî gotarek pêşkeş kir û pêbendbûna Parlamentoya Kurdistanê ya bi tekoşîna li hember gendelîyê û hewldanên çaksazîya hikûmetê jî teqez kir.

Roja 31.10.2003ê Netewên Yekbûyî roja 09.12 ya hersal, wek roja cîhanî ya tekoşîna li hember gendelîyê ragehand û her sal vê rojê de seranserê cîhanê merasîm û çalakîyên cuda bi boneya vê rojê ve tên birêve birin.

Çavkanî: Basnews