Serokê Herêma Kurdistanê Nêçîrvan Barzanî pêşwazî li xwedana xelata Nobel ya aştiyê û rizgarbûya destê DAIŞê Nadiya Murad kir.

Li gor daxuyaniyeke malpera Serokatiya Herêma Kurdistanê, Serokê Herêma Kurdistanê Nêçîrvan Barzanî îro li Hewlêrê pêşwazî li çalakvana kurda êzîdî û rizgarbûya destê DAIŞê, Nadiya Murad kir.

Li gorî malperê, Nêçîrvan Barzanî di civînê de dupat kir ku li ser hewlên xwe berdewam dibin û kar dikin ji bo ku kêşeyên Êzîdiyan û navçeya Şingalê bên çareserkirin û di vî warî de li gel aliyên peywendîdarên Hikûmeta Iraqê û civaka navdewletî hemû hevkarî û hemahengiyekî pêwîst dikin.

Serokê Herêma Kurdistanê hewlên Nadiya yên bi navê xizmetkirina Êzîdiyan bilind nirxand û amadehiya Herêma Kurdistanê ji bo piştgîrîkirina her kar û pirojeyekî ji bo xizmetkirina Êzîdiyan nîşan da.