Serokê Herêma Kurdistanê Nêçîrvan Barzanî pêşwazî li şandeyekî leşkerî ya Brîtanyayê kir.

 Îro 07.09.2022yê li Hewlêrê Serokê herêma Kurdistanê Nêçîrvan Barzanî li gel şandeke leşkerî ya Brîtanî bi Serokatiya Şêwirmendê leşkerî yê Brîtanyayê yê bo karûbarên Rojhilata Navîn û Bakûrê Efrîqayê Marşal Sammy' Sampson kir.

Di civînê de ku, wezîrê pêşmerge y ê hikûmeta Kurdistanê jî têde beşdar bû, behsa têkiliyên Brîtanyayê yên li gel herêma Kurdistan û Îraqê, pêşhatên dawî yên rewşa siyasiya Îraqê, metirsiyên teror, liv û tevgerên DIŞIê, prosesa reformên nava hêzên pêşmerge û têkiliyên navbera Hewlêr û Bexdayê hate kirin.

Serokê herêma Kurdistanê Nêçîrvan Barzanî rêzdariya xwe bo Brîtanyayê jiber hevkarî kirina Kurdistanê di şerê dijî terorê de diyar kir û tekez li ser pêdiviya berdewamiya hevkariyên Brîtanya û dostên nava civaka cîhanî bo rûbirû bûna metirsiyên terorê û serxistina prosesa reformên nava hêzên pêşmerge kir.

Her di heman civînê de her du alî li ser vê yekê ku, lazime aliyên siyasî bilihev kirin û rêkeftinê hewl bo derbas kirina qirîza siyasî û metirsiyên berdem prosesa siyasiya Îraqê bidin, hem fikir bûn û tekez jî li ser girîngiya yekrêziya aliyên siyasî yên Kurdistanî kirin.

Rewşa navxweyî ya Kurdistanê, têkiliyên navbera herêma Kurdistan û Îraqê û têkiliyên herêma Kurdistanê li gel welatên cîran û çend mijarên din yên cîhê girîngiya hevbeş bo her du aliyan, mijarên din yên vê civînê bûn.