Di çarçoveya serdana xwe ya Tehranê de, îro Serokê Herêma Kurdistanê Nêçîrvan Barzanî ligel Serokê Parlementoya Îranê Mihemed Baqir Qalîbaf civiya.

Civîn bi amadebûna Seroka Parlemena Kurdistanê Rêwaz Fayiq birêve çû û têda pêşxistina warên peywendiyên Iraq û Herêma Kurdistanê li gel Komara Îslamiya Îranê li ser bingeha cîrantiyeke baş û berjewendiya hevbeş û girîngiya parastina asayîş û aramiyê guftûgo kirin.

Di civînê de ku şanda ligel Serokê Herêma Kurdistanê Nêçîrvan Barzanî û hejmarek ji berpirsên Komara Îslamiya Îranê jî amade bûn, herwiha di derbarê rewşa navçeyê bi giştî û çend pirseke dinê girîng û hevbeş de danustandina bîr û ramanan kirin.