Serokê Giştî yê PAKê Mustafa Özçelik, Endamê Komîteya bireveberîya Navendî Feyaz Ekmen, endamên Meclîsê Roza Kurdî, Hanefî Turan, Nimet Mumtaz Aydın, endama Komîteya Swêdê Feray Akar û şêwirmendê Serokê Giştî yê PAKê Eyup Alacabey, roja 16.06.2016 li Colemêrgê beşdarî şîna Ferhad Birûsk Toganê kurê welatperwerê Kurd Hafiz Togan bûn.

Li cîhê şînê heyeta PAKê sersaxî ji Hafiz Togan û ji malbata wan re xwestin. Paşê seredana cîhê şînê yên jinan kirin. Li vê derê jî sersaxîya hevjîn û xuşk û malbata Ferhad Togan kirin.

Ferhad Birûsk Togan rojnamevanekî welatperwer ê Kurd bû û li Fransayê çûbû ber dilovanîya xwedê. Ferhad Birûsk Togan roja 15.06.2016an li Hekarîyê bi merasîmeke girseyî hatibû defin kirin.

Tabûta Ferhad Togan bi ala Kurdistanê hatibû nuxumandin.Heyeteke PAKê ku ji endamên Meclîsê û ji gelek rêveber û endamên PAKê yên Wan û Colemêrgê pêkhatî, roja 15.06.2016an beşdarî mersîma cenazeya Ferhad Togan bibûn.