Li ser vexwendina Rêzdar Serok Mesûd Barzanî, Seroke Giştî yê PAKê Rêzdar Mustafa Ozçelîk , roja 11.05.2023yê beşdarî merasîma vekirina Muzexaneya Niştimanî ya Barzanî bû.

Rêzdar Mustafa Ozçelîk, deste gulek danî ser mezelê nemiran, Mele Mistefa Barzanî û Îdrîs Barzanî û fatîhayek xwend.

Di merasîma vekirina Muzexaneya Niştimanî ya Barzanî da, ji her çar perçeyên Kurdistanê, Iraqê, Tirkîyeyê û Ewropayê gelek rêvebir, sîyasetmedar, rewşenbîr amade bûn.

Serokkomarê Iraqê Rêzdar Letîf Reşîd, Serokwezîrê Iraqê Rêzdar Mihemed Şîe Sûdanî, sîyasetmedarê Şiî Rêzdar El Hekîm û Rêzdar Serok Mesûd Barzanî axaftin.

Serokê berê yê Emerîkayê Rêzdar G.W.Bush jî peyameke pîrozbahîyê ji Rêzdar Serok Mesûd ra şand.

Piştî axaftinan, beşdarên merasîmê li Muzexaneya Niştimanî ya Barzanî gerîyan.

Beşdaran piştî nanxwardinê seredana Momentûma Şehîdên Enfalê kirin.

Serokê Giştî yê PAKê Rêzdar Mustafa Ozçelîk jî di deftera bibîranînê da bi minasebeta vê rojê van çend rêzan nivîsand:

’’Jîyana Mele Mistefa Barzanîyê nemir, kurteçîroka têkoşîna doza azadîya Kurdistanê ya 100 salî ye. Ava kirina Muzexaneya Niştimanî ya Barzanî nîşana hişmendîya dewletbûnê ye. Ez hemû avakar û kedkarên Muzexaneyê pîroz dikim. Mele Mistefa Barzanîyê nemir û hemû şehîdên Kurdistanê bi rêzdarî bibîr tînim.

11.05.2023

Mustafa Ozçelîk

Serokê Giştî yê PAKê’’

11.05.2023

Buroya Çapemenî û Ragehandinê ya PAKê