Mustafa Özçelik, ligel Endamê Komîteya Birêvebiriya Navendî ya PAKê Orhan Kaya, Endamê Komîteya Başûrê Kurdistanê ya PAKê Temo Ayas û gelek endam û alîgirên PAKê beşdarî şîna Xwedê jê razî, rehmetî Dilovan îdrîs Barzanî bû.

 

Serokê Giştî yê PAKê Mustafa Özçelik , li ser navê xwe û yê hemû endamên partiya xwe, ji rêzdaran Nêçîrvan Barzanî, Mesrûr Barzanî, Metîn Dilovan Barzanî û ji hemû malbatê re sersaxî xwest û xemên xwe anî ziman.

 

Rêzdar Dilovan Îdrîs Barzanî yê birayê Serokwezîrê Hikûmeta Herêma Kurdistanê Rêzdar Nêçîrvan Barzanî, kurê Îdrîs Barzaniyê Nemir, biraziyê Rêzdar Serok Mesûd Barzanî û neviyê Mele Mustafa Barzaniyê Nemir bû. Xwedê jê razî Dilovan Îdrîs Barzanî, di roja 02.04.2018an de ji ber celteya dilî çûbû ber dilovaniya Xwedê.

 

Şîna Dilovan Îdrîs Barzanî 3 rojan, li Başûrê Kurdistanê, li Serê Bilind wê li dar bikeve.