Serokê PAKê Rêzdar Mustafa Özçelik ligel endamê Komîteya Birêveberîya Navendî ya PAKê rêzdar Mehmet Gül, endamên Meclîsa PAKê rêzdaran M.Ali Yildirim û Sîrac Kirici di roja 26.01.2018an de li bajarê Berlîn a Almanyayê seredana Nûneratîya Hikûmeta Herêma Kurdistanê ya Almanyayê kirin.

 

Nûnerê Hikûmeta Herêma Kurdistanê yê Almanyayê Rêzdar Dilşad Barzanî li gel Berpirsiyarên Ewrûpayê (Leqa 6) yên PDKyê Rêzdaran Fewzî Ayad û Behcet Masîfî pêşewazîya heyeta PAKê kirin.

 

Rêzdar Mustafa Özçelik ji bo vê pêşewazîyê spasîya Rêzdar Dilşad Barzanî kir û di derbarê rewşa her çar parçeyên Kurdistanê û Tirkîyeyê û rûdanên rojane de bîr û ray û perspektîfên PAKê pêşkêş kir.

 

Rêzdar Dilşad Barzanî jî bixêrhatina heyeta PAKê kir û di derbarê rewşa Başûrê Kurdistanê û peywendîyên Almanyayê û Hikûmeta Herêma Kurdistanê de agahdarî da.

 

Hevdîtin di atmosfereke germ, welatperwerane û dostane de, bi awayekî berhemdar derbas bû.