Îro danê sibê, serokwezîr Mesrûr Barzanî li Hewlêrê pêşwazî li cîgirê alîkarê wezîrê derve yê Amerîka bo karûbarên Iraqê, David Copley û şanda pê re kir.

Di civînê de, ku konsolê giştî yê Amerîka li Herêma Kurdistanê, Rob Waller jî amade bû, rewşa Iraq û Rojhilata Navîn her wiha pêşxistina pêwendiyên Herêma Kurdistanê û Amerîka hatin axaftin.

David Copley amadebûna Amerîka nîşan da bo pêşxistina zêdetir ya pêwendiyên xwe bi Herêma Kurdistanê re, bi taybet di warê bazirganî û berhemanînê de. Li Herêma Kurdistanê û Iraqê derfetên baş bo bazirgan û sermiyandarên Amerîka hene.

Serokê hikûmeta Kurdistanê jî behsa karnameya kabîneya nehem ya hikûmetê kir û ragihand, yek ji pilanên hikûmetê ew e ku aboriya Kurdistanê heme cur bike û girîngiyek zêde bide çandinî û parastina berhemên hundir û hêsankariyê jî pêşkêşî şîrket û bazirganên biyanî bike.

Mesrûr Barzanî li ser pêwendiyên Hewlêr û Bexdayê jî axivî û got, çareserkirina arîşeyên navbera her du aliyan gelekî girîng e û faktoreka girîng e bo aramiya rewşa Iraqê û Rojhilata Navîn.