Alan Amedî
DEN-HAG/LAHEY- Îlon 2024, 1’emîn salvegera damezrandina PWK (Partîya Welatparêzên Kurdîstanê) bu.
Bi vê mebestê ji bo danasîna PWK, semînerek hatibû li darxistin.
Ez jî wekî dost u piştgirê van kar û xebatên jibo serkeftina miletê Kurd, tevlî vê semînerê bûm.
Ez bi hêsanî dikarim bêjim ku atmosfera salonê gelek pozitif bû. Hêvîyên beşdaran di nêrîn û awirên wan de xweyabûn.
Axaftina perpirsên PWK’ê, her çiqas bi danasîna partîyê bi sînor be jî, li ser hinek babetan mesajên balkêş û gring pêşkêşê beşdaran kirin.
Wekî:
-Gringîya dialog u tifaka hêzên dewletxwaz.
– Jibo Bakurê Kurdîstanê, bikaranına herdu zaravayên Kurdî (Kurmancî/Dimilî)
(ku seminer bi herdu zaravayên Kurdî-Kurmancî/Dimilî pêk hat) pirr gring dinirxînim. Ev helwest u nêrînek nuh u vîzyonel xweya dike..
-Ev 100 sal e ji hev parçebûna Kurdîstanê weki réalité, cudahîyên xwe ên taybet peyda kirîye.
Bi guherīna dînamîkên civakê û têkilîyên bi sistema dewletên dagîrker re jî bikaranîna politika û sîyasetên taybet û cuda lazim e.
Bi vê mebestê, her parçeyek Kurdîstanê taybetmendîyên xwe heye. Her parçeyek xwedî erk û mafê ku pêşeroja xwe, ligor şert û mercên parçeyê xwe tayîn bike. Mafê tu parçeyek tune ku xwe tevli kar û barên parçeyek din bike. Û ne réalist e jî.
-Têkilî u hevkarîyên biratîyê ên nav parçeyên Kurdîstanê jî, jibo PWKê, weki sîyaset û seknek stratejik hat binavkirin..
Ev jî nêrînek nuh e ku rê li ber hevkarî û tifaka hêzên dewletxwaz hêsan dike.
Jibo PWK’ê serkeftin û serfirazî dixwazim..
Alan Amedi
20- 09-2024 Bxl.
-https://www.facebook.com/story.php?story_fbid=1914747752359196&id=100014719697025&rdid=6ODtV3Xxf25eto50