32 sal berî naha yekem rûniştina Parlamentoya Kurdistanê pêkhat û rêveberiya ragehandina Parlamentoya Kurdistanê jî behsa wan yasayên giring dike ku di sala yekem a temenê Parlamentoyê Kurdistanê de hatibûn derxistin.
Rêveberê ragehandina Parlamentoya Kurdistanê Saman Bekir di nivîseke di tora xwe ya civakî Facebookê de ragehand: ‘’Piştî şikestina gotûbêjên di navbera Eniya Kurdistanî û Rejîma Beis a roja 26.10.1991ê hikûmeta Iraqê dest bi vekêşandina saziyên îdarî yên li navçeyên Kurdistanê kir. Vê yekê valatîyeke yasayî û îdareî çêkir. Eniya Kuridstanê bi serokatiya hekîmane ya Serok Mesûd Barzanî de wê demê ku Eniya Kurdistanî ji 7 partiyan pêkhatibû û wek desthilata defakto ya navçeyê di asta ribûrûbûna wan tengezarî û pêşketinên siyasî û îdarî û yasayî de bû, ku rejîmê li Kurdistanê çêkiribûn. Ji bo rêvebirina Herêma Kurdistanê û danîna desthilatiya yasayê Eniya Kurdistanê fikra damezrandina sîstemekî parlamentoyê kir, bi rêya encamdana helbijartineke serbixwe ya azad û demokratîk ve roja 19.05. 1992yê pêkhatin ve nûnertiya gel hate diyar kirin.’’
Herwaha diyar kir: ‘’Di vê çarçoveyê de Parlamentoya Kurdistanê roja 04.06.1992yê de yekem rûniştina xwe birêve bir, ku bû destpêkekî dîrokî ya nû ji bo jidayîkbûna yekem a Parlamentoya Kurdistanê û wek dirêjiya xebata gelê Kurdistanê ya li gel hemû parçeyên din ên Kurdistanê.’’
Rêveberê ragehandina Parlamentoya Kurdistanê dibêje: ‘’Di destpêka karê parlamentoyê de sala 1992yê de Parlamentoya Kurdistanê 16 yasayên giring li dû hev pejirand ku yên herî giring, pejirandina yekem yasaya helbijartina encûmena niştimaniya Kurdistanê (Parlamento) bû û yasaya helbijartina rêveberiya Tevgera Rizgarîxwaziya Kurd û yasaya encûmena Wezîrên Herêma Kurdistanê bû. Bi wan pêngavan Parlamentoya Kurdistanê nexşerêya hikûmraniyê û xwebirêvebirina netewa me ji aliyê yasayî ve darêjand.
Herwaha divê ew rastî jî bê gotin ku jidayîkbûna parlamentoyê û avakirina hikûmetekî ji bo Herêma Kurdistanê berhemê berdewamiya siyaset û xebata ji hev qutnebûyî ya gelê me ye ku bi rêbertiya Barzaniyê Nemir de pêkhatiye.
Rêveberê ragehandina Parlamentoya Kurdistanê Saman Bekir dibêje; ‘’Bibîranîna yekem rûniştina Parlamentoyê û avakirina yekem hikûmeta yasayî û rewa ya pêkhateya destûrî ya herêma me tê wê wateyê ku; Ti sazî û desthilat û hêzek nikare rewabûna saziyên Herêma Kurdistanê rawestîne.’’