Navenda Nûçeyan- Rêveberîya Kabulê hejmareke çekdarên DAIŞê ku li navçeyên cîyawaz ên wî welatî hatine desteserkirin, nîşanî medya xwecihî û navdewletî da.
Li gor amarên ku hikûmetê belav kirine, di nav wan çekdarên DAIŞê de ku hejmara wan zêdetir e ji 700an, herî kêm 75 jin û 159 zarok hene.
Hejmareke zêde ya wan jin û zarokên DAIŞî bîyanî ne û ji 277 çekdarên bîyanî yên DAIŞê li wî welatî jî piranîya wan ji Pakistan, Urdin û welatên Asya Navîn in.
Ajansa nûçeyan Associated Press a Amerîkî jî, wêneyên wan çekdarên DAIŞê yên li Efxanistanê hatine girtin, belav kirin.
Belavkirina wan wêneyan di demekê de ue ku hevdîtinên ji bo aştî û çareserîyê di navbera Amerîka û rêxistina Talîbanê de birêve diçin.
Beşeke zêde ya Efxanistanê ku bi dehan sal e di nav şer û alozîyan de ye, ji alîyê Talîbanê ve tê kontrolkirin.
Rüdaw