Almanyayê li ser Sûriyeyê daxuyanî da

 Wezîra Derve ya Almanyayê Annalena Baerbock diyar kir ku divê Beşar Esed ji kiryarên xwe yên piştî rûxandina rejîma Beas a 61 salî li Sûriyê berpirsyar bê dîtin û gelê Sûriyê hêjayî paşerojeke baştir e.

Di daxuyaniya xwe ya li ser platforma medyaya civakî X de Baerbock destnîşan kir ku ne pêkan e ku bi awayekî rast were gotin ku niha li Sûriyê çi diqewime. Lê tiştek eşkere ye. Ji bo bi milyonan mirovên li Sûriyeyê, dawîhatina Esed tê wateya yekem rehetiya mezin piştî hovîtiyên bêdawî yên ku ji aliyê rejîma Esed ve hatin kirin. Bi sedan hezar Sûriyeyî di şerê navxweyî de hatin kuştin, bi milyonan reviyan. Esad kuştin û êşkence li gelê xwe kir û wî gazên jehrîn li dijî wan bi kar anî. Di dawiyê de, gelê Sûriyê paşerojeke baştir heq dike. Tevahiya nifşek di şer, zehmetî û bêkesiya mirovî de mezin bûye, di bin metirsiya berdewam a jicîhûwarkirinê de."

Baerbock bal kişand ser girîngiya parastina hindikahiyên etnîkî û olî yên wekî Kurd, Elewî û Xirîstiyanan li Sûriyê û pêvajoyeke siyasî ya berfireh ku wê hevsengiyê di navbera koman de çêbike û da zanîn, “Em bang li aliyên şer dikin ku erkên xwe li hember hemû gelê Sûriyê pêk bînin."

Baerbock diyar kir ku niha bang li civaka navdewletî tê kirin ku alîkariya Sûriyê bike ku ji çerxa şer û tundiyê derkeve û eşkere kir, "Ji bo vê mebestê em bi Neteweyên Yekbûyî, Yekîtiya Ewropa û hevkarên xwe yên Diyaloga Ewlekariya Çaralî (QUAD) re û bi aktorên herêmî û cîranên Sûriyeyê yên wekî Tirkiye û Urdunê re di hemahengiyê de ne."