Wezareta Derve ya Amerîkayê di daxuyaniyekê de aşkere kir ew ji îddîayên ceribandina mûşekên S-400 ê Tirkiyê ji Rûsyayê standine nîgeranin.
Berdevkê Wezareta Derve ya Amerîkayê di daxuyaniyeke nivîskî de ragihandiye: “Em rijd in ku divê Tirkiyê sîstema mûşekî ya S-400an ji Rûsyayê nekire. Lêbelê em ji hin zanyarî û îddîyên hewlên Enqerê yên ceribandina sîstema mûşekî ya S-400an jî gelekî nîgeranin. “
Herwiha Berdevkê Wezareta Amerîkayê gotiye: “Rêkeftina Tirkiyê ya ligel Rûsyayê li ser mûşeka S-400an arîşeyeke mezin bo hevpeymaniya NATOyê saz dike û rêliber gemaroyên CAATSAyê vedike ku em bi ser Tirkiyê de bisepînin. Em hêvî dikin hemû berpirsên Tirkiyê û Serokkomarê Tirkiyê birêz Recep Tayyîp Erdogan ji me têdigihê.”
Di medyaya Tirkiyê de hatibû îddîakirin ku sîstema mûşekî ya S-400an ber bi bajarê Sînopê yê Tirkiyê hatiye şandin û wê li wir werin ceribandin.