Li gorî nûçeya Rûdawê sizayên nû, guşarê dixine ser Şamê ji bo ku vegera jêr sîbera danûstandinan, ku di çarçoveya Neteweyên Yekbûyî de, derbarê paşeroja Sûrîyê birêve diçin.
Hikûmeta Sûrîyê, di çar salên borî de, dest danîye ser gelek navçeyan, ku di pênc salên pêşî de, ji şerê navxweyî yê Sûrîyê, jidest dabûn, wê yekê jî wiha kirîye ku hikûmeta Sûrîyê li danûstandinên sîyasî yên derbarê paşeroja siaysî ya Sûrîyê bihêz bibe û xwe ji daxwazên opozisyonê, ji bo çareserkirina rewşa Sûrîyê vedize.
Sizayên nû, dirêjkirina pakêceke din a sîyzayên bi navê Sizayên Sîzer in, ku îsal bi ser Sûrîyê de hatin sepandin.
Armanc jê sizadana weberhênerên navxweyî û bîyanî yên Sûrîyê bû. Di Sizayên Sîzer de, dorpêça vîza û aborî li ser 39 takekse û navendan hatin danîn. Sizayên nû kurekî Esed û hevjîna wî jî dikine armanc.
Bi gotina berpirsên Amerîkî, ew du kesên malbata Esed toreke wan a mezin ji pêwendîyên bazirganî heye.
Ev yek, ji bilî ku Esma Esed, hevjîna Beşar Esed, di çarçoveya pakêca Sizayên Sîzer de, hatibû sizadan. Berpirsên Amerîkî jî di wê bawerîyê de ne ku Esma Esed, karûbarên bazirganî yên malbata xwe birêve dibe û gelek kompanyayên wê hene.
Her çiqasî Amerîka ragihandîye, sizayên sîzer Rojavayê Kurdistanê û navçeyên din ên li jêr desthilata Rêveberîya Xweser li xwe nagirin, lê daketina nirxê lîreya Sûrî û kêmbûna çalakîyên bazirganî li Şamê, bandora yekser li ser rewşa jîyanê li navçeyên li jê desthilata Rêveberîya Xweser kirîye, di demekê de, ji bakur ve cîranên Tirkîyê ne û ji rojhilat ve jî, rêya wergirtina yekser a alîkarîyên navdewletî pê nayê dan, û beşê gelek ji kelûpelên rojane yên Rojavayê Kurdistanê, ji navçeyên li jêr destê hikûmeta Sûrîyê têne anvçeyên Rojavayê Kurdistanê.