Amerîkayê bi fermî dest bi vekêşandina hêzên xwe yên li Iraqê kir

Ajansa nûçeyan a France Press ragehand, ku Amerîkayê bi awayekî fermî Iraq agahdar kirîye derbarê rêkarên vekêşandina hêzên xwe yên li wî welatî daye destpê kirin.

Navenda Nûçeyan- Fermandarê hêzên Amerîkayê yên li Iraqê Wiliam H. Seely nivîseke fermî ji fermandarîya hêza operasyonên hevbeş ên Bexdayê yên ser bi wezareta berevanîya Iraqê re rêkirîye û hûrgilîyên vekêşandina hêzên hevpeyman li Iraqê aşkera kirîye.

Fermandar Seely ragehandîye ku di heyama çend roj û heftîyên pêş de rêkarên vekêşandinê dê bicîh bînin û ev yek jî wek rêz girtin ji serwerîya Iraqê re ye, ku serokwezîrê Iraqê û parlamentoyê daxwaz ji wan kirîye.

Derbarê hûrgilîyên derxistina hêzên xwe de jî amaje bi wê yekê kirîye ku şevên pêş de, di dema bicîhanîna biryara vêkêşînê de hatûçûna helîkopterên wan li esmanê navçeya Kesk a Bexdayê dê zêde bibe.

Basnews

Rojhilta Navîn Haberleri

Gera yekem a hevdîtinên Amerîka û Îranê bî dawî bû
Serok Barzanî û Mezlûm Ebdî bi telefonê axivîn: Naverok eşkere bû!
Fransayê kuştina Elewîyên Sûriyê şermezar kir û banga lêkolîneke bêalî kir
Îsraîl: Colanî maskeyê xwe avet, terorîstekî Qaîdeyê ye
SOHR: Di şerê navbera Şamê û Lazkiyê de 311 kes hatin kuştin, belkî jî 524 kes