Amerîkayê ragihand, wan ew ceza bi alîkariya Erebistana Siûdî, Behrêyn, Îmarat, Kuwêyt, Qeter û Umanê bi ser 9 kesên îranî, pakistanî û efxanî de sepandiye. Du ji wan kesan berpirsên Supaya Pasdaran û yên din berpirsên Talîbanê û pakistanî ne.
Wezareta Gencîneya Amerîkayê di daxuyaniyekê de ragihandiye, wan Berpirsê Navenda Perwerdeya Supaya Quds, Îsmaîl Rezewî û efserê wê Supayê, Mihemed Îbrahîm Uhedî ji ber ku alîkariya serbazî, locestîkî, darayî û teknolojîk dane Talîbana Efxanistanê, xistine nav lîsta dorpêçan de.
Berpirsên Îranê hertim red kirine, ku piştevanî li çekdarên Talîban a Efxanistanê kiribin û tekez dikin.
Ew daxuyanî di demekê de hate belavkirin, ku Wezîrê Gencîneya Amerîkayê, Steven Mnuchin li Erebisatan Siûdî ye.
Di beşeke din a daxuyaniyê de hatiye gotin: Alîkariyên perwerdehî, darayî û dayîna çekan ji aliyê Îranê ve bo Talîbanê mînakeke din a destwerdanên aşkere yên Tehranê û piştgiriya wî welatî ji terorîsmê ye.