Şandeke pilebilind a Artêşa Amerîkayê îro serdana Rojavayê Kurdistanê kir û bi rayedarên Yekîneyên Parastina Gel (YPG) û Hêzên Sûriyeya Demorkatîk (HSD) re hevdîtin pêk anîn.
Peyamnêra Rûdawê li Rojavayê Kurdistanê ragihand, îro Duşemî Fermandarê Fermandariya Navendî ya Hêzên Amerîkayê, General Kenneth McKenzie gihîşte Rojavayê Kurdistanê û li gel hin rayedarên YPGê û HSDê hevdîtin pêk anîne.
General Kenneth McKenzie di vê serdana xwe de li gel Fermnadarê Giştî yê HSDê Mazlûm Kobanî û fermandarekî din ê HSDê yê bi navê Nîroz Ehmed re civiyaye.
Serdana wî generalê pilebilind ê Amerîkayê bo Rojavayê Kurdistanê di demekê de ye, ku Şanderê Taybet ê Amerîkayê yê bo karûbarên Sûriyê James Jeffrey li Tirkiyê ye û biryar e derbarê avakirina Navçeya Aram a li Rojavayê Kurdistanê û Bakur-Rojhilatê Sûriyê de li gel rayedarên Tirkiyê danûstandinê bike.
Kurdîstan Haberleri
Heyeta PWKyê Li Parîsê Seredana Nûneratîya Hikûmeta Herêma Kurdistanê ya Fransayê Kir
Heyeta PWKyê Li Parlamentoya Hollandayê Li Gel VVD (Partîya Gel a Azadî û Demokrasîyê) Hevdîtinek Pêk Anî
ZAXO - Keçeke din a Kurd a Êzidî hat rizgarkirin
Hosteya dawî ya qir û qafikan: 45 sal in vî karî dike
Ji bo 2 pirtûkên Weşanên Aryenê biryara komkirinê hate dayîn