Birêz hac Hesen Hemaşê ji xelkê gundê Gewrikan xwediyê milkûmal û rewşxweş bû, bi navûdeng û camêriya xwe dengdar bû, Dîwana wî ya ji bo mîvanên gundê Gewrika û gundên derdora gundê wî derî her vekirî bû, hac Hesen li ser piştê hespê xwe, ferza hecê jî li (Meke Elmûkereme) kiri bû, ji karên wî yên herî erênî û ta roja îro pê têye dengkirin ew e, ku bi kolandin û girtina qenayekê di nav zinaran de rabibû û bi bîrê ku pênc (Km)an dûrî avahiyên gund girêda bû û di riya wê re ava xweş û zelal gihandi bû hemû malên gund, keç û jinên gund ji cefayê anîna avê ku didane ser serê xwe û ji wa bîrê dûr tanîne malê vehesandi bûn.
Di navbera salên (1930 - 1940)î de, dema derketina tevgera Mirûdan li Çiyayê Kurmênc liv û germahiya wan di nav xelkên belengaz û nezan yên ne gihîştî û di bin siya Olî de, rojekê komek Mirûd bi çek û xençeran hejmara wan derdora 40 Mirûdî bûn, berê xwe dane Dîwana hac Hesenê Hemaşê, piştî pêşwaziya wan ji aliyê hac Hesenê Hemaşê ve, Hecî xwest bizanibe ku ji bo çi armancê bi vê hejmara mezin û balkêş ji nişka ve ew hatine?
Bersiva rêberê wan ev bû:
Nişteciyên gundê FEQÎRA yên li derdora we ji gawirên Êzîdî ne, wek hûn dizanin xwîn, namûs û malên wan helal in, em hatine we agahdar bikin ku biryar ew e:
Em alîkariya we di êriş û destdanîna ser wan de dixwezin ku mêrên wan bikojin û jin û pereyên wan bi helalî bibin, milk û malên wan jî (xenîmê) ji we û gundiyên we re bihêlin.
Li vir hac Hesenê Hemaşê bi hêrs û dengekî bilind li wan vegerand:
Nişteciyên gundê FEQÎRA cîran û birayên me ne, em qet rê li pêş kesî venakin û razî nabin ku destdirêjiyê li ser cîran û birayên me bikin, divê hûn niha bilez ji mal û gundê min bi saxî derkevin herin, an jî niha bi bangekî re nişteciyên gundê min wê werin we yekoyeko bikojin û min ji we hemiyan xelas bikin.
Dema ku Mirûdan guhdarî hac Hesenê Hemêş kirin, yekser serokê wan hêze xwe kir, rabû ser xwe û bi rê ket, hemû Mirûdên wî bi pey wî ketin û bi poşmamî ji gund derketin û çûn, ji wê rojê de Mirûdan gavên xwe li wa beşê ji gundên Çiyayê Kurmênc venegerandin.
Wergerandin ji Erebî:
Baranê Cûmê