Vejîyabi werte ke dewa Metûrî yê Licêya Amedî de 4 şiwaneyî raştê îşkenceyê eskeran ameyê .
Mesya Sosyale ser ra vîdyoyêk ameybî vilakerdiş û asîyêne ke çawişêko pispor îşkenceyê 4 şiwaneyan keno. Ame zanayîş ke na hedîse hewteyêk verî 3ê Hezîrane de Licê de qewimîyaya.
Vîdyo de asîyêne ke destê 3 kesan pey ra amo kelepçekerdiş û erd ser de ameyê dergkerdiş.
Goreyê xebera Ajansê Mezopotamya şiwaneyan ra yew Hanifî Yalavuz o.
Yavuz derheqê îşkence de vano, “Şewa ke eskeran eşt ma ser ma 4 kesî bî. Ma heywanê xo miqate kerdêne. Badê ma dî pêrodayîş vejîyayo. Pêrodayîşî ra pey eskeran eşt ma ser va, “Kesê ke guleyî eştî ma kam ê !”
Badê ma eştê war û ma rê îşkence û heqaret kerdê. Badê zî ma berdê qereqol û serbest veraday.
Heto bîn ra Baroyê Amedî derheqê babete de gerreyê eskeran kerd û bi beyanatêk da zanayîş ke ê do prosesê huqûqîyî teqîb bikerê. Beyanat de îna ame vateiş, " Muracatê mexdûranê ke 3yê hezîrana 2023yî de Licê de îşkence dîyo, ser o sûcanê 'îşkence û kerdena xirabe, birîndarkerdişî, gefwerdişî û heqaretî' ra ma gerre kerd."