| Beyana Serokê Herêma Kurdistanê Mesûd Barzanî derbarê 55 salîya Şoreşa Îlonê: Bi navê xwedayê mezin û dilovan
Îro 55 (Pêncih û pênc) sal li ser hilpêkirina şoreşa Eylûl, mezintirîn şoreşa gelê Kurdistanê ya li dijî zulm û asîmîlasyonê de derbas dibe. Şoreşa Eylûl şoreşekî seranseriya gelê Kurdistanê bû û ew bawerî bi xwebûnê li kûrahiya dilê hemû take kesekî Kurdistanî de dirust kir ku divê li beranber dagîrkerî û neheqiyê da bê rawestandin. Yekemîn car li dîroka tevgera rizgarîxwaza Kurdistanê li vê şoreşê da bû ku hemû çîn û tuwêjên civakê beşdarî xebata netewayetî û demokrasîxwaziya xwe gelê xwe bûn û hemû pêkhatên neteweyî û olî yên Kurdistanê jî mil bi milê Kurd li jêr serkirdayetiyekî hevbeş li dijî sîtem û dagîrkeriyê xebatê kirin. Şoreşa Eylûl li navçeyekî diyarkirî da nema û bingehên şoreş û edalet û Kurdayetiyê gihand hemû cîhên Kurdistanê. Her wiha rola Partiya Şu'î(komunist)a Iraqî û hêz û kesayetiyên demokratxwazên Iraqê li vê şoreşê da ber bi çav bû.
Di demek da ku bi bîranîna vê şoreşa mezin dikîn bi xweragiriya xelkê Kurdistanê û bi cangoriya Pêşmergeyên me yên qehreman hengavên gelek mezin hatine avêtin û li ser asta cîhanê da doza rewaya gelê Kurdistanê dost û palpiştê mezin heye. Gelê Kurdistanê wê yekê bi cîhanê selimand ku parêzerê bihaya aştî û pêkvejiyan û azadiye. Ew biha cihê şanaziya hemû take keseke xelkê Kurdistanê ne. Ew destkeft jî ji wan bingeh û biha û xebatê çavkaniya xwe digrê ku şoreşa mezina Eylûl li ser hatibû avakirin.
Li vê bîranîna mezin da silav ji bo giyanê pakê şehîdên şerê dijî terorîstan û hemû şehîdên rêya azadiya gelê me re dişînîn. Pêzanînên min ji bo wan hemû têkoşeran heye ku li şoreşa Eylûlê de beşdarbûn û dîrokê ji bo gelê Kurdistanê dirust kirin. Destxweşiyê li Pêşmergeyên me yên qehreman dikim ku şanaziya gelê me û hemû cîhanê ne.
Mesûd Barzanî
10.09.2016
|