PAK, PSK, TDK-TEVGER:
Bênê ma Roja Alaya Kurdistanî bike destpêkê hemkarîyêka neteweyîye û demokratîke!
Ewro roja Alaya Kurdistanî ya
Her çar parçeyanê Kurdistanî de zî miletê Kurd, şarê Kurdistanî Roja Alaya Kurdistanî bi hişmendîyêka neteweyî pîroz kenê.
Serra 1919 de Alaya Kurdistanî hetê Cemiyetê Komelê Kurdistanî (Kurdistan Teşkîlat-ı İçtimaiye Cemiyetî) ra ameye neqişkerdene; bi hîrê şerîdê kesk, sipî û sûre û mîyanê ci de zî tîja zerde …
Alaya Rengîne tenya sembolê azadî, xelasî û xoserîya Kurdistanî nîya. Alaya Rengîne seserrîyo ke rayşîyayîş û micadeleyê azadî û xoserî de rayberîya şaranê Kurdistanî kena, demanê tengan de, zehmetîyan de rayîrê ma roşnî kena, hêvîyanê ma ganî tepişnena.
Alaya Rengîne sembolê ma ya neteweyî ya, sembolê têkoşînê ma ya bi zehmet a.
Şarê ma yo jêhat sereyê seserra vîstan de bi roşnayîya Alaya Rengîne xoverrodayîşêko pîl da.
1927 de na alaya ke 1919 de ameybî qebûl kerdiş, hetê Xoybûnî ra Koyê Agirî de ameybî berzkerdene. Ala Kurdistanî 1932 de serê her di berganê Hawarî, no: 11 (10 Kanûna 1932) bi rengîne ameybî çapkerdene.
Alaya Rengîne Koyê Agirî ra resaya Rojhelatê welatê ma. Komêk Ciwanê Kurdî 17ê Kanûna 1945 de Alaya Rengîne Mahabad de awanîya dadgeha dewleta Îranî ser o aliqna. Alaya Rengîne Komara Mehabadî de hem bîye şahîdê serkewtiş û mijdanîya azadî, hem zî verên Komara Kurdistanî de bîye sitare.
Alaya ke Serokomar Pêşewa Qazî Mihemedî sey emanetêko millî teslîmê Mele Mistefa Barzanî yo nêmerdî kerd, ewro Başûrê Kurdistanî de Parlamentoya Federe ser o berz bîya û şîyena têra.
Parlamentoya Herêma Kurdistanî, sey qedirberzî, roniştişê xo yê 11. 11.1999 de, roja 17ê Kanûne de, roja ke Alaya Kurdistanî serra 1945î de Dadgeha Mahabadî de ameya aliqnayîş de, sey Roja Alaya Kurdistanî îlan kerd.
Ma baş zanê ke, her milet bi nasnameyê xo esto; bi ziwan, kultur, tarîx, erc û sembolê xo yê neteweyî mîyanê keyeyanê miletan da cayê xo gêno. Yê ke miletan sewîyeya tewr berze da temsil kenê zî bêşik alaya înan esta.
Alaya Rengîne berhemê têkoşînê diseserrî, nîşanê ked û gûnîya bi se hezaran heskerdoxê azadî ya.
Alaya Kurdistanî rûmeta ma ya, sembolê bixobawerî û keyfweşîye ya.
Ma reyna Roja Alaya Kurdistanî pîroz kenê.
Ma heme şehîd, têkoşer û kedkaranê dewaya azadî êyê ke têkoşînê xoserîya Kurdistanî de ca girewtê û nêverdayê Alaya Kurdistanî bikewa waro, her tim a Alaya pîroze berz kerdê înan bi rêzdarî yad kenê.
Ma vanê wa Roja Alaya Kurdistanî Bakurê Kurdistanî de biba destpêkê hemkarîyêka neteweyî û demokratîk; her çar parçeyanê Kurdistan de wa biba destpêkê yewitî û tifaqê neteweyî û biba destpêkê azadîya Kurdistanî.
17.12. 2022
Partîya Azadîya Kurdistanî (PAK)
Partîya Sosyalîst a Kurdistanî (PSK)
Tevgera Demokratîk a Kurdistanî(TDK-TEVGER)