Berpirsê Pêwendiyên Hizba Demokrata Kurdistan a Îranê behsa êrîşa mûşekî û dronên Îranê li ser binkeyên partiyên Rojhilatê Kurdistanê dike û daxwaz ji civaka navnetewî dike bêdeng nebin.
Îro 28.09.2022yê Berpirsê Pêwendiyên Hizba Demokrat a Kurdistan a Îranê Mihemed Salih Qadirî ji BasNewsê re ragehand: ‘’Em di rawestekekî giring ê dîrokî de ne. Piştî şehîdkirina Jîna Emînî xelkê Rojhilatê Kurdistanê xwedî li derketina beyanameya partiyên Rojhilatê Kurdistanê kir û bangevaziya li hember Îranê berxwebidin û rêgirbin li destdirêjiyên Îranê yên li ser canê xelkê me xwedî derket. Ji aliyeke din ve Îran ji ber şikesta xwe ya piştî serhildanên li Tehran, Meşed û navçeyên Kurdistanê, naha dixwaze şikesta xwe bi wan êrîşan qerebû bike.’’
Herwaha got: ‘’Îran destparêziyê nake û binkeyên partiyên Rojhilatê Kurdistanê kiriye armanc û cîhê xelkê sivîl û dibistan û cîhên giştî kirine armanc. Ji ber rewşa Kurdistanê, partiyên Rojhilatê Kurdistanê çalakiyên xwe rawestandine, lê naha derket Îran destparêzgariyê nake.’’
Berpirsê Hizba Demokrat got: ‘’Ev êrîşe bandorê li me nake, berevajî wê dê me yekgirtîtir bike wek partiyên rojhilat, wekî kurd û emê berdewambin di xebat û xebatên me bihêztir bike.’’