Platformê Kombîyayîş, Web konferans, Semîner û Perwerdeyê onlîne, Çarpel Webîner dest bi kombîyayîşanê Onlîne keno, no sey Webîner zî yeno namekerdene.
Çarpel Webîner de do sohbetî, kombîyayîşî û mineqeşeyê siyasî û kulturî bibê. Kombîyayîşî do bi lehçeya Kurmancî û Kirdkî ( Zazakî) bêrê pêşkeşkerdene. Kombîyayîşî gorê meymanan rey-rey bi ziwananê bînan zî bêrê pêşkeşkerdene.
Kombîyayîşî do xetê Înternetî ser ra bi rayê Facebook Live û Youtube Live zî bi ganî bêrê pêşkeşkerdene.
Heto bîn ra kam ke biwazo sey temaşeger yan zî meyman zî eşkeno beşdarê kombîyayîşan bibo, uca de panelîstan rê persan biko yan zî fikranê xo vajo.
Seba malûmatanê hîrayan xo bike endamê Grûba Çarpel Webînerî ke ti malûmatan û kombîyayîşan ra xeberdar bibî.
Adresê linkê Gruba Facebokî:
https://www.facebook.com/groups/646648095891800/
Ti do senî beşdarê kombîyayîşan bibî û panelîstan rê persan bikî?
Dekewtişê zereyê odeya kombîyayîşî hem seba komputeran hem zî seba telefonan bi rayê appeka (program) bi namê ZOOM beno. Kombîyayîşî ra ver lînkekê ZOOMî do bêro destê to.
Nimûneyê adresê Kombîyayîşî: https://us02web.zoom.us/j/01234567890 (Seba her kombîyayîşî lînk vurîyeno)
Ti komputera xo tena pê lînko ke ame abikî do Odeya Kombîyayîşî otomatîk abiba.
Eke ti biwazî pê telefonê xo yê mobîlî bikewî odeya kombîyayîşî, gere telefonê to de zî Programê (APP) bi namê ZOOMî bibo.
Lînkê ke cêr de yê programê telefonê xo de pare bike. Wexto ke to program telefonê xo de pare kerd, pê lînkê corî zî bikewe odeya kombîyayîşî.
...................... ...................... ...................... ...................... ...................... ............
Adresê xebitnayîşê ZOOMî (seba telefonan)
APPSTORE (Seba telefonanê IPHONE): https://apps.apple.com/us/app/id546505307
ANDROID (Seba telefonanê SAMSUNG û yê bînan): https://play.google.com/store/apps/details?id=us.zoom.videomeetings
Malûmat: Programê ZOOMî, merdim tena yew rey telefonê xo de pare keno.