25ê Eylûla 2017î de Başûrê Kurdistanî de referandûmê xoserbîyayîşî beno.
Ma, Kurdistanijê Bakûrî, seba referandûmê Başûrê Kurdistanî bê şert û merc paştgêrîya “Erê” kenê.
Ma veng bi şarê xo yê Bakûrê Kurdistanî, Tirkiye û çehar kenarê dinya dane ke paştgêrîya referandûmê xoserbîyayîşî bikê û seba naye rê seferber bibê.
- Ma veng bi;
heme gurubanê etnîkî, bawerî û mezhebanê şarê xo yê Kurdistanî,
- Cinîyê bargiranê komelga xo,
- Ciwanê Kurdistanî ke îstiqbalê ma yê,
- Karker, esnaf, berhemdar û karsazanê xo,
- Heme şarê ma yê dewan û şeharan,
- Heme partîyê ma yê sîyasî, cemîyetê komelî yê sivîl û şexsiyetan danê ke,
- Paştî bidê referandûmê xoserbiyayîşê birayandê xo yê Başûrî, kamî dest ra çi yeno wa bikê ke şar pêro dekewo referandûm û dereca tewr berz de “Erê” vejîyo!
- Çimkî înan birayê ma yê! Çimeyê tarîx, kultur, dej û weşîya ma û înan yew o!
- Ma do heme û pêwa, bi mîlyonana Kurdê Amed, Qamîşlo, Mehabad, metropol û dîspora şewrayê 26ê menga Eylûl de govenda weşî ya Hewlêrî de ca bigîrême!
- Sey heme milletan, heqê şarê Kurdistanî û milleta Kurdan zî esto ke bi dewletêka xoser xo bi xo îdare bikê; seba naye rê tecrûbeyê înan ê sîyasî, dîplomatîk, kulturî û lejkerî yê bi des serrana esto.
Şarê Ma yo Erciyaye!
- Heme sûkij, dewij, cinî, pîr û kalê ma! Wa heme wext û heme ca de mewzuya sohbeta şima referandûmê 25ê Eylûl bo.
- Ciwanê ma! Wa referandûmê xoserbîyayîşê 25ê Eylûle; daîmî bibo mewzuya esasî ya faalîyetanê şima yê sosyal medya, sohbetanê şima yê kafe-sînema-tiyatro, têkilîya hembazî û mêrdimayîya şima.
- Karkerê ma, karsazê ma, esnaf û berhemdarê ma! Wextê arisyayîş û sohbeta xo de, têkilîya bi şarî û teraqa hembazan de bi giranîye behsê na mesela bikê.
- Ma wazenê heme partîyê ma yê sîyasî, komeleyê sivîlî, roşinvîr û şexsiyetê xoser hata 25ê Eylûle giranîya xebata xo bidê propaganda referandûmê xoserbîyayîşî.
- Paştgêrîyêka xurt bidênê ke wa 25ê Eylûle, navbena şarê Kurdistanî û şarê Ereb, Faris û Tirkan de bibo pirdê aştî û demokrasî! Paştgêrîyêka winî xurt bidênê ke wa bibo mertalê şarê ma yê Başûrê Kurdistanî.
- Belê, tam wext ameyo.
- Bakûr, paştgêrîya referandûmê xoserbiyayîşê Başûrî keno.
Însîyatîfê Destekkerdişê Referandûmê Xoserbiyayîşî