Dêrsim de cinîyan vera qetilkerdişê Jîna Emînî Meydanê Seyîd Rizayî de gijikê xo qesna.
Cinîya kurde Jîna Emînî (22) 14ê êlule de hetê 'polîsanê exlaqî' yê rejîmê Îranî ra seba ke gijikê ci asayêne amebî qetilkerdene.
Dêrsimî de vizêr serkêşîya Platformê Cinîyan ê Dêrsimî de cinîyan vera qetilkerdişê Jîna Emînî Kuçeyê Hunerî ra ver bi Meydanê Seyîd Rizayî çalakîya rayraşîyayîşî kerde û tîya de eşkerayîye daye çapemenîye. Nameyê platformî ser o Fatoşe Argin eşkerayîye wende. Eşkerayîye de vera sloganê sey 'cinîye, cuye, azadîye' ame vatene.
Taşkale da zanayene ke Jîna Emînî hetê rejîmê malayan ê camêrdan ra ameya qetilkerdene û gijikê cinîyanê Îranî ewro bîyê alaya serewedaritişî. Taşkale vat: ''Ma sey cinîyanê Dêrsimî hetê cinîyanê Îranî de yê. Têkoşînê înan têkoşînê ma yo.''
Cinîyan dima seba Jîna Emînî gijikê xo qesna û çalakîya roniştişî kerde.