Civata Wezarî ya Aborî ya Îraqê civiya, biryar e sibe ew civat bi Serokwezîr Mesrûr Barzanî re jî bicive.
Civata Wezarî ya Aborî ya Îraqê Îro (În, 06.09.2024) bi Serokatiya Wezîrê Dervey ê Îraqê Fuad Hisên civiya, û biryar e sibe ew civat li bajarê Hewlêrê bi Serokwezîr Mesrûr Barzanî û endamên kabîneya wî re jî bicive.
Biryar e di civîna sibe de behsa pirsên hevpar ên navbera Hewlêr û Bexdayê bê kirin, pêxemetî arêşeyên darayî.
Li roja Çarşemê, 04.09.2024, di rûniştina Civata Wezîrên Herêma Kurdistanê de danûstandin li ser amadekariyên lidarxistina civîna taybet a Civata Wezarî ya Aborî ya Federal hatin kirin, ku li Hewlêrê bi rê ve diçe û girêdayî dozên helawîstî yên navbera wezaretên her du aliyan dibe.
Di ragehandina Civata Wezîran de hatiye, “Tevî pêşwaziya germ a Civata Wezîran li lidarxistina vê civînê li Hewlêrê, di eynî demê de Hikûmeta Herêma Kurdistanê vê civînê wekî derfeteke pirbiha dibîne ji bo ku ji nêz ve û rû bi rû wezîrên peywendîdar ên Hikûmeta Herêma Kurdistanê û Hikûmeta Îraqê danûstandinên cidî li ser dozên helawîstî yên navbera her du aliyan bikin, ku heta niha di tevaya war û kertan de nehatine çarekirin.”
K24