Merkezê Xeberan- Şahîdanê peyênan ê Qirkerdişê Dêrsimî ra Dengbêj Suleyman Dogano ke mîyanê şarî de sey ‘Silo Qiz‘ amêne zanayîş vizêr şibi heqîya xo. Silo Qiz ewro Dêrsim de ame definkerdene.
Cemxaneyê Paştdayîşî û Vilakerdişê Kulturê Haci Bektaş Velîyî de seba ey merasîmêk ame viraştene.
Merdimê Qizî, Şaredarê Dêrsimî Mehmet Fatîh Maçoglu, şaredarê qezayan, îdarekarê partîyan, temsîlkarê dezgeyanê sivîlan û bi seyan kesî amê merasîmê ey.
Verê merasîmî eserê Silo Qizî ameyî goştarîkerdene û badê zî cuyayîşê ey de ser o ame qiseykerdene. Qiseykerdişan de ame vatiş ke, nameyê ey sey qicî bêro zanayene zî eslê xo de o hozanêko namdar û gird o. Ewro eke derheqê tarîxê kirmanckî, ziwan, kultur û bawerîye ma de çîyêk ma destê mendo no xeyrê nê hozanan o.
Merasîmî ra dima cenazeya Silo Qizî dewa Mîlû ya Dêrsimî de amey definkerdene.
Silo Qiz Kam o?
Heme merdime Silo Qizî qirkerdişê Dêrsîmî (1938) de amê qetl kerdene. Demê qirkerdişî de o hîna qij bi û bibi şahîdê qierkerdişî. Goreyê vatişê ey hema 5 serrîya xo de pîyê xo ra cenitişê kemanî musayo. Silo Qizî dej û keyfweşîya şarê xo neqlê muzîkî kerd. Veyve û tazîyeyan de kemane xo cenitêne û deyrî vatêne. Silo Qiz wexto ke merd 104 serrî bi û ten abi sereye xo dewa ke tede amebi dinya, dewa Mîlû de şi heqîya xo.