Derhênero sosyalîst Jean-Luc Godard ronayoxanê sînemaya Pêla Newîye ya Fransizan ra bi. Derhêner 91 serrîya xo de na dinya ra bar kerd.
Ronayoxanê sînemaya Pêla Newîye ya Fransizan ra derhêner Jean-Luc Godard, 91 serrîya xo de na dinya ra bar kerd.
Godard Kam o?
Jean-Luc Godard 1930î de Parîs de ame dinya. Wextê şerê cîhanî yê 2yinî de Swîsre de bi. Dima may û pîyê ci bîyê cîya û Godard seba wendişî ame Fransa û 1949î de kewt beşa etnolojîyî ya Zaningehê Sarbonneyî. Nê wextan de bi başdarê Cineclub û Cinematequeyî. Andre Bazînî de tîya de bi şinasî.
Godard, bi Eric Rohmer, Jacques Rivette, François Truffautî reyde bi rayberanê ronayîşê sînemaya Pêla Newîye ya Fransizan.
Xebatê polîtîkî
Fîlmanê Godardî de derheqê meseleyanê polîtîkan de berî ameyê akerdene. Fîlmanê ey de fikrê radîkalî vejîyayêne ver. Bi fîlmanê klasîkan ê ‘Breathless’ û ‘Bande a part’î nifşa xo mîyan de bi serkewte û ame heskerdiş. Aşiqê Serserîyî fîlmê ci yo derg o verên o. Fîlmê xo yê Keynaya Çînije de fikrê ci yo Maoîst vejîyayo ver û no fîlm hema zî yeno nîqaşkerdiş.
Hereketê 68î û Godard
Godard û Traffautî wendekaran û karkeran reyde boykotkerdişê Festîvalê Cannesî yê 1968î organîze kerdibî. Festîval dima amebi betalkerdiş.
Godardî fîlmê xo yê peyênî bi nameyê ‘Îmgeyî û Çekuyî’ 2018î de antibi. Godardî karîyerê xo de 7 Palmîyeyê Zernênî û 7 zî Heşê Zernênî girewtibî.