Li gor gotinên berpirsekî PDKê îro li gundekî sînorê Şingalê, navbera rûniştvanên gund û hin çekdarên DAIŞê de şer derketiye û runiştvanên gund çekdarên DAIŞê dorpêç kirine.
Berpirsê ofîsa rewşenbîrî û ragehandina baskê 17ê yê PDKê li Şingalê Idrîs Zozanî ji BasNewsê re ragehand: ‘’Îro 24.07.2019ê du kes ji rûniştvanên gundê Xane Şehwanya ya ser bi Şingalê çûne nêçîrê li çiya û winda bûne û rûniştvanên gund jî li dû wan her du hemwelatiyan de çûn û rastî hejmarek çekdarên DAIŞê hatine.’’
Idrîs Zozanî got: ‘’Piştî encama şerê navbera hemwelatiyên wî gundî û çekdarên DAIŞê, xelkê gund çekdarên DAIŞê dorpêç dikin û piştre jî hêzên ewlehiya Iraqê çûne cîhê bûyerê.’’