Merkezê Xeberan - Goreyê xerîtaya Covid-19î ya Ûnîversîteya John Hopkinsî heta şewa yewşemeyî pêro dinya de tewr tay 69 hezar û 82 kesî merdî.
Hûmara merdimanê ke pê vîrusî kewtî zî bîy mîlyonêk û 263 hezar û 976. Heta nika 20 hezar nêweşê vîrusî zî weş bîyî.
Goreyê doneyanê AFPyî vîrus 191 welatan û herêman de vila bi. Yeno texmînkerdene ke hûmara raştikêne zaf zêdêr a. AFPyî pare kerd ke mabênê 24 saetanê peyênan de tewr tay 4 hezar û 690 kesî vîrusî ra merdî û 75 hezar û 522 kesî zî pê vîrusî kewtî.
Mabênê 24 saetanê peyênan de DYA de 1.083 kesî, Îspanya de 674 kesî û Brîtanya de zî 632 kesî merdî.
Îtalya de heta nika 128 hezar û 948 kesî pê vîrusî kewtî û 15 hezar û 877 kesî vîrusî ra merdî. Îspanya de zî heta nika 12 hezar û 418 kesî vîrusî ra merdî û 130 hezar û 759 kesî pê vîrusî kewtî. DYA de 9 hezar û 180 kesî vîrusî ra merdî û hûmara nêweşan zî 331 hezar û 151 a.
Fransa de 8 hezar û 78 kesî, Brîtanya de 4 hezar û 934 kesî, Çîn de zî 3 hezar û 329 kesî vîrusî ra merdî.
Îran de goreyê doneyanê fermîyan 3 hezar û 603 kesî bîyî qurbanê vîrusî. Labelê goreyê çimeyanê muxalîfan welat de 242 şaristanan de 18 hezar û 600 kesî vîrusê Korona ra merdî.