Di nava salekê de derdora 8 hezar bêkar di karxaneyên tekstîlê yên Êlihê de kar peyda kirine.
Bajarê Êlihê ku di hêla bêkariyê de yek ji bajarê sereke ye, dibe navenda dirûtina cil û bergan. Gelek markayên navdar ên tekstîlê êdî karê dirûtinê li Êlihê didin kirin. Di vê qeyrana aboriyê de li piraniya bajaran, karsaz karkeran ji kar derdixin lê li Êlihê berevajî wan bajaran, bêkar di tekstîlê de dibin xwedî kar. Di nava salekê de li Êlihê derdora 8 hezar bêkar di karxaneyên tekstîlê de kar peyda kirin. Tekstîl li Êlihê dibe dermanê bêkariyê.
Bajarê Êlihê li Bakurê Kurdistanê û Tirkiyeyê xwediyê rêjeya herî bilind a keç û xortan e. Lê di hêla bêkariyê de jî yek ji bajarê sereke ya bêkariyê ye. Rêjeya bêkariyê li Êlihê ji sedî 26.9 e.
Di nava 2 salên dawiyê ya qeyrana aboriyê de Êlihî ji bo barê qeyrana aboriyê sivik bikin 200 karxaneyên tekstîlê ava kirin. Yek ji wan tekstîlvanan jî Mehmûd Ekîncî ye û niha 300 karker li ba wî dixebitin.
Ji Êlihê bo 24 welatên Ewropayê û cîhanê cil û berg tên dirûtin. Lê ev cil û berg ne bi navê markaya Êlihiyan bi navê markayên navdar ên Tirkiyeyê tên şandin. Ji ber ku hilberînerên êlihî van cil û bergan ne li ser navê xwe li ser navê markayên naskirî didirûn.
Kurdîstan Haberleri
Heyeta PWKyê Li Parîsê Seredana Nûneratîya Hikûmeta Herêma Kurdistanê ya Fransayê Kir
Heyeta PWKyê Li Parlamentoya Hollandayê Li Gel VVD (Partîya Gel a Azadî û Demokrasîyê) Hevdîtinek Pêk Anî
ZAXO - Keçeke din a Kurd a Êzidî hat rizgarkirin
Hosteya dawî ya qir û qafikan: 45 sal in vî karî dike
Ji bo 2 pirtûkên Weşanên Aryenê biryara komkirinê hate dayîn