Encûmena Dadwerîya Iraqê: Biryarên Dadgeha Federal neyasayî ne

Serokê Encûmena Dadwerî ya Iraqê ragihand, hemû biryar û rêkarên yasayî yên Dadgeha Federal a Iraqê neyasayî ne û kar bi wan biryar û rêkaran nayê kirin.

Navenda Nûçeyan-Serokê Encûmena Dadwerî ya Iraqê, Fayiq Zêdan di nivîseke fermî de ev yek ragihandîye û ji bo hemû dadgehên Iraqê şandîye.

Di nivîsê de tê gotin, Encûmena Bilind a Dadwerîya Iraqê di civîna xwe ya roja 23-1-2020 de biryar arasteyê hemû dadgehên Iraqê kirîye, ji ber ku rêjeya yasayî ya Dadgeha Federalî temam nîne, ew jî ji ber xanenişînbûna Farûq Samî, lewma ti deqeke destûrê bo mekanîzma berbijêrkirina kesekî din di nava yasayê de nîne.

Di 21-5-2019 de, Serokê Dadgeha Federal madeya 3 a hejmar 30 a sala 2005 hilweşand û heta niha parlamentoya Iraqê ti yasayek li cihê wê madeyê dernexistîye, lewma damezrandina her endamekê ji bo wê dadgehê, ti bingeheke wê ya yasayî û destûrî nîne. Her biryarek jî ku Dadgeha Federalî bi beşdarîya dadwerê xanenişînkirî bide, ji alîyê yasayî ve nedirist e û nayê qebûlkirin.

Rûdaw

 

 

Siyaset Haberleri

Keşeyê Dêra Kurdî: Kesên ku çûbûn Rojavayê Kurdistanê vedigerin Libnanê
Serokê Giştî yê Partîya Welatparêzên Kurdistanê (PWK) Mustafa Ozçelîk Li Parîsê Konferansek Da
Nêçîrvan Barzanî: Jinên Kurdistanê her tim avaker û parêzvanên xak û welat in
Jens Galschiøt: Em dê ji bo bibîranîna Enfalê peykerekî çêbikin
Xwepêşandanên Mahsa Amînî | Rejîma Îranê cezayê îdamê da 6 kesên din!