Merkezê Xeberan - Grûba Xebate Ya Vateyî ke bi serrano semedê Kirdkî(Zazakî) xebate kena û 6 aşman ra hewêk yena pêser, kombîyayîşê xo yê 33inî Dîyarbekir de viraşt.
Endamê Grûba Xebate Ya Vateyî seba kombîyayişê 33. Dîyarbekir de amê têhet. Endamê Grûba Xebate Ya Vateyî ke bi serrano semedê Kirdkî (Zazakî) xebate kenî û 6 aşman ra hewêk yenî pêser, semedê Kombîyayîşî ameyî Dîyarbekir û 3 rojan ra dima kombîyayîşê xo qedînayî.
20 endamê Grûba Xebate Ya Vateyî ameyî kombîyayîşî. Kombîyayîş 23ê Sibate de dest pêkerd û hetanî 26ê Sibate dewam kerd.
Grûba Xebate Ya Vateyî nê kombîyayîşê xo de zî termê beledîye ser o xebate kerde û na xebata xo ke çend kombîyayîşanê peyênan de kena, qedîna.
Kombîyayîşê Grûba Xebate Ya Vateyî (Kombîyayîşê 34inî) emser do aşma tebaxe de bêro viraştene.
Kombîyayîş de qerar ame dayene ke, musebaqaya hîkayeyan û şîîran do hetê Grûba Xebate Ya Vateyî ra bêra tertîpkerdene.
Peynîya kombîyayîşê 34inî de, êyê ke musebaqa de serkewtê, 1,2, û hîreyînan rê xelate do bêra dayene.
Grûba Xebate Ya Vateyî do şertanê musebaqa nê rojan de aşkere bika.