Balafireke Rêyên Esmanî ya Srivijaya ku ji cûreya Boing 737 e, piştî rabûna ji balafirgeheke bajarê Cakarta yê paytexta Endonezyayê, bi 62 rêwiyên têde, winda bû.
Berdevkê Hikûmeta Endonezyayê îro şemiyê 9ê Çileya 2021ê ragihand; balafireke Rêyên Esmanî ya Srivijaya, piştî ku bi hewayê ket, ji radarê winda bû.
Herwiha eşkere kir; niha Ajansa Niştimanî ya Lêgerîn û Rizgarkirinê ligel Komîteya Silametî û Gihandinê ya Navxweyî bi hemahengiyê lêkolînê li ser çarenûsa wê balafirê dikin.
Di balafirê de 62 kes hebûn, ku ji du pîlot, çar karmendên balafirê û rewiyan pêk dihat. Herwiha di nav rêwiyan de 5 zarok hene.
Heta niha rayedarên Endonezyayê nekarîne zanyarî bi dest bixin ku gelo balafir ketiye xwarê yan ji ber pirsgirêka radarê xuya nake.